"Мұғалімнің басты мақсаты – оқушылардың білім сапасын арттыру" тақырыбында дөңгелек үстел өтті

❄️Қысқы каникул... іс тәжірибе алмасу... педагогикалық ізденіс...

🔹"Біртұтас тәрбие" бағдарламасының қаңтар- заң мен тәртіп айы аясында 👩🏻‍🏫бастауыш сынып мұғалімдері Жансая Естаевна мен Айнур Нуртазаевна ұйымдастыруымен 📈"Мұғалімнің басты мақсаты – оқушылардың білім сапасын арттыру" тақырыбында дөңгелек үстел өтті.

📌Мақсаты – білім сапасын арттырудағы мұғалімнің рөлін талқылау, озық тәжірибелермен бөлісу және оқыту сапасын жақсарту үшін ортақ шешімдер табу.

📝Оқушылардың білім сапасын көтеру үшін:

1. Заманауи оқыту әдістерін қолдануы қажет. Әрбір оқушының ерекшелігін ескере отырып, тиімді әдістерді пайдалану білім деңгейін көтеруге көмектеседі.

2. Мотивация беруге назар аударуы керек. Балаларға білімнің маңыздылығын түсіндіру, олардың қызығушылығын ояту – сапалы білімге апаратын басты жол.

3. Индивидуалды көзқарас танытуы керек. Әр оқушының қабілетіне қарай жеке қолдау көрсету маңызды.

4. Білім беру технологияларын пайдалануы қажет. Цифрлық құралдар мен инновациялық тәсілдер арқылы оқушылардың пәнге деген қызығушылығын арттыруға болады.

🔷️Сондай-ақ, бұл бүкіл білім беру жүйесінің негізгі мақсаты екені сөзсіз. Мұғалімдер, ата-аналар, және қоғам болып бірігіп, білім сапасын көтеруге ат салысса, еліміздің болашағы жарқын болмақ.

🔷️Дөңгелек үстелге бастауыш сыныптар бойынша директордың оқу ісі жөніндегі орынбасары Гульжан Слямбековна, директордың әдістемелік ісі жөніндегі орынбасары Бақытнұр Саматқызы, бастауыш сынып мұғалімдері және жас ұстаздар қатысты.

"Мұғалімнің басты мақсаты – оқушылардың білім сапасын арттыру"