Психологтар семинары

♻️Іс - әрекет...кәсіби даму...шығармашылық белсенділік...құқықтық тәрбие...Абайдың "Толық адам" ілімі...іс - тәжірибе алмасу...шебер сынып...

♾Мектебімізде "Жасөспірімдер арасындағы құқықбұзушылықтың профилактикасы, педагог - психологтың тиімді іс - әрекеті" тақырыбында аудан мектептерінің педагог - психологтарының семинары өтті.

✅Семинарға аудандық білім бөлімінің әдіскері Ж.Мухамедрахимова, аудандық прокуратураның прокуроры Р.Тулегенов, аудандық әкімдіктің маманы Г.Досалова, мектеп директоры Е.Абсалямов және аудан мектептерінің психологтары қатысты.

♻️Семинарда мектеп директорының тәрбие ісі жөніндегі орынбасары Сұлтанбекова Амангүл Керейханқызы "Құқықбұзушылықтың алдын алу Абайдың "Толық адам" ілімінде" тақырыбында шебер сынып өткізді.

♾Мақсаты:Абайдың ақыл, адамгершілік, имандылық сияқты адами құндылықтарды арқау еткен әдеби мұралары арқылы оқушыларды тәрбиелеу.

🔷️Поэзия минуты Абайдың жетінші қара сөзімен басталып, топтарда Абайдың оныншы, он үшінші, он жетінші қара сөздерін оқып, тыңдап, "Мен азаматпын", "Менің қоғамдағы өмірім", "Болашағыма үндеу" тақырыптарымен байланыстырып, Абай ұсынған "Толық адам" концепциясына лайықты бола білуге ой түйді.

♻️Ыстық қайрат - үнемі ізденісте болу, алға ұмтылу, жасампаз болу.

♻️ Нұрлы ақыл - елге сәуле түсіріп, ізгілікті іс жасау, ақылын жақсылыққа жұмсау.

♻️Жылы жүрек - иман жүзді болу, адамдарға құрметпен қарау.

🔷️Психологтар "Жүрегі ізгілікке толы тұлға" моделін құрап, толықтырып, ойларымен бөлісті. Шебер сынып мақсатына жетті. Пікірлер тыңдалып, баға берілді.

🔷️Әріптесіміз аудандық семинарға іс - тәжірибесімен бөлісіп, үздік жұмыс көрсеткені үшін аудандық білім бөлімінің Мадақтамасымен марапатталды. Құттықтаймыз!