"Бұрымды қыз" бейнероликтер байқауының облыстық кезеңі

⚜Республика бойынша өткен "Ақпараттық дайджест" онлайн "Бұрымды қыз" номинациясы бейнероликтер байқауының облыстық кезеңіне қатысқан мектебіміздің бұрымды қыздарымыздың жұмысы үздік деп танылды.

⚜Қыз балаларының бұрымының сұлулығын, оның мәдениеттілігінің белгісін, эстетикалық талғамдарын көрсеткен 31 жұмыстан 2 жұмыс үздік деп танылып, жүлделі ІІ және ІІІ орындарға ие болып дипломмен және белсене қатысқаны үшін мектебіміз Абай облыстық инновациялық - әдістемелік орталығының Грамотасымен марапатталды.

⚜Байқаудың мақсаты: "Біртұтас тәрбие бағдарламасы" аясында түсіндірілетін ұлттық құндылықтарды дәріптеу, қыз бала сұлулығы мен мәдениеттілігінің белгісін көрсету, оқушыларға ұмыт болып бара жатқан ұлттық төл мәдениетіміз бен өнерімізді қайта тірілтіп, салт- дәстүрді жаңғырту, қыз балалардың жан дүниесіндегі көркемдік талғамын қалыптастыру арқылы инабаттылыққа, ізеттілікке тәрбиелеу.

⚜"Бұрымды қыз" бейнероликтерін дайындауда шығармашылықпен жұмыс атқарған директордың тәрбие ісі жөніндегі орынбасары А. Сұлтанбековаға, сынып жетекшілеріне және қыздарымыздың аналарына алғыс білдіреміз, құттықтаймыз!