Мұғалім Н.Оспанова "Ы.Алтынсарин"төсбелгісімен марапатталды.

🔷️Мен үшін жақсы мұғалім бәрінен де артық, өйткені мұғалім - мектептің жүрегі.
Ыбырай Алтынсарин.

🔷️Ауыл мектебіндегі педагогика ғылымдарының кандидаты "Ыбырай Алтынсарин" төсбелгісімен марапатталды.

💐8 Наурыз - Халықаралық әйелдер күні қарсаңында ҚР Оқу-ағарту министрі Ғани Бейсембаев еліміздің әр өңірінен ұстаздық қызметте жүрген көп балалы педагог-шеберлерді құттықтады.

🔷️Оқу-ағарту министрі кездесуде мектебіміздің орыс тілі мен әдебиеті пәнінің мұғалімі, көп балалы Ана, "педагог-шебер" бiлiктiлiк санатындағы ұстаз, педагогика ғылымдарының кандидаты Оспанова Нұргүл Төлегенқызын бiлiм саласының ең жоғарғы марапаты жас ұрпақты оқыту мен тәрбиелеу ісіндегі елеулі табыстары үшін "Ыбырай Алтынсарин" төсбелгісімен марапаттады.

🔷️Нұргүл Төлегенқызы шәкіртінің бойына білім нәрін сусындата білген ұлағатты ұстаз, білікті маман, бағыт-бағдар беруші әріптес, сертификатталған тренер. Ұстаз еңбегіндегі марапат көптеген шәкірттері ҰБТ-ден жоғары балл жинаған "Алтын белгі" иегерлері мен аудандық, облыстық, республикалық пән олимпиадасының жүлдегерлерін дайындаудағы "инемен құдық қазғандай" әрбір шәкіртінің білімге деген көзін ашқан, Қазақстанның білім саласының дамуы мен өркендеуіне үлес қосқан тынымсыз еңбегінің жемісі.

🔷️Ауданымыздың, мектебіміздің даңқын шығарып жүрген ұстаз ананың мерейi әрқашан үстем болсын! Әріптестеріңіз Сізді мақтан етеді.

🔷️Жауапкершілік пен үздіксіз ізденісті талап ететін ұстаздық қызметіңізге шығармашылық табыс, отбасыңызға амандық пен бақыт
тілейміз!