"Мектебім - мейірім мекенім" атты шығармашылық көрмесі

✅1 Наурыз - Алғыс айту күніне орай мектебіміздің 2019 жылғы түлегі Кәрібасов Бауыржан "Мектебім - мейірім мекенім" атты шығармашылық көрмесін ұйымдастырып, өзінің түлеп ұшқан мектебінің макетін жасап, ұстаздары мен мектебіне Алғыс ретінде тарту етті. Көрмеге Бауыржанның сабақ берген ұстаздары, оқушылар, қолдаушылары, туыстары мен ата - анасының достары қатысты.

✅Макет 2023 жылдың сәуір айынан басталды. Макеттің сыртқы дизайны материалы - ПЕНОКАРТОН-нан, ал шатыры ПОЛИСТИРОЛ-дан жасалған. Астыңғы құрылымы ДСП ағашынан қойылды. Макеттің аумағы: ені-90 см, ұзындығы-90х52см.
Макеттің идея авторы - Карибасов Еркін ағасы, құрастырушы - Бауыржанның өзі.

✅Шығармашылық көрменің ашылуында мектеп директоры Е.Абсалямов, аудандық білім беру қызметкерлерінің кәсіподақ төрағасы С.Ахметқалиев, интернат ұжымы атынан Ғ.Әділханұлы, ата-анасының достарының атынан Ә.Жанұзақов құттықтау сөз сөйледі.

✅Макеттің лентасын қию рәсімі мектеп директоры Е.Абсалямов пен Бауыржанның ұстазы, өнерге бейімдеген бейнелеу өнері пәні мұғалімі М.Серікбаев қиып, әріптестерінің атынан Ш.Абенова шашу шашты.

✅Бауыржанның анасы Карибасова Гулжан баласының бойындағы өнерге деген қабілетіне жол ашқан ұстаздары мен шығармашылық көрмеге келген қонақтарға аналық Алғысын білдірді.

✅Домбырашылар "Алаш аманаты" күйін орындап, оқушылар "Мектебім" әнін орындады.

✅Көрмені тамашалаған қонақтар ерекше әсерлерімен бөлісіп, көрмені тамашалады. Бауыржанға қолдау білдірді.

✅Мектеп түлегі Бауыржанға қылқаламының ұшы мұқалмасын, шығармашылық талабы өрлей берсін деп алғыс білдіреміз.

 Бейнеролик
 Бейнеролик